अर्थमन्त्रीले नेपालले अब आर्थिक छलाङ लिनुपर्ने समय आएको बताएका छन्। उनले उत्पादन, लगानी र आर्थिक सुधारमार्फत देशलाई तीव्र विकासतर्फ लैजानुपर्ने धारणा राखेका छन्। तर यस्ता भाषण र योजना कार्यान्वयन हुन नसक्नुको मुख्य कारण भनेको प्रणालीभित्रको अपारदर्शिता, भ्रष्टाचार र नगदमा आधारित अर्थतन्त्र हो भन्ने तथ्यलाई बेवास्ता गरिएको देखिन्छ। नीति राम्रो भए पनि कार्यान्वयन कमजोर हुँदा अपेक्षित परिणाम आउन सकेको छैन।
वास्तवमा आर्थिक छलाङ सम्भव हुनको लागि पहिलो सर्त नै नोट खारेजी र पूर्ण डिजिटल अर्थतन्त्र हो। नगद कारोबारले कर छल्ने, कालोधन सिर्जना गर्ने र सरकारी आम्दानी घटाउने काम गर्छ। जबसम्म प्रत्येक कारोबार ट्र्याक हुने प्रणाली लागू हुँदैन, तबसम्म विकासका योजना कागजमै सीमित हुन्छन्। डिजिटल कारोबारले मात्र पारदर्शिता, कर दायरा विस्तार र राजस्व वृद्धि सुनिश्चित गर्न सक्छ, जसले आर्थिक छलाङको आधार तयार गर्छ।
यसैले नयाँ सरकारले पुरानो सरकारभन्दा फरक ढंगले निर्णायक कदम चाल्नुपर्छ। देशभरका पसलमा डेबिट कार्ड अनिवार्य गर्नुपर्ने, QR कोड प्रणाली लागू गर्नुपर्ने र नगद प्रयोगलाई क्रमशः हटाउँदै लैजानुपर्ने नीति आवश्यक छ। पहिलो चरणमा ६ महानगरमा लागू गरेर जनतालाई अभ्यस्त बनाउने, त्यसपछि देशभर विस्तार गर्ने रणनीति लिन सकिन्छ। बैंकिङ पहुँच, इन्टरनेट सुविधा र डिजिटल साक्षरता सँगसँगै बढाउँदै लगेमा दैनिक कामकाजमा कुनै असर नपरी भ्रष्टाचार नियन्त्रण र राजस्व वृद्धि दुवै सम्भव हुन्छ।
पुरा समाचार पढ्नुहोस्: https://www.onlinekhabar.com/2026/05/1923221/time-has-come-for-nepal-to-take-an-economic-leap-finance-minister-dr-wagle
