मोरङको पथरी शनिश्चरे क्षेत्रमा सुरक्षाकर्मीको उपस्थिति कमजोर हुँदा अपराधका घटना बढ्दै गएको समाचार आएको छ। सशस्त्र प्रहरीको क्याम्प प्रभावकारी रूपमा सञ्चालन नभएको कारण चोरी, लागूऔषध कारोबार तथा अन्य आपराधिक गतिविधि बढेको स्थानीयले बताएका छन्। यसले सुरक्षा संयन्त्रको कमजोरी मात्र होइन, समग्र प्रणालीगत चुनौतीलाई उजागर गरेको छ।
तर यो समस्या केवल सुरक्षाकर्मी अभावको परिणाम मात्र होइन, नगद अर्थतन्त्रसँग पनि गहिरो सम्बन्धित छ। लागूऔषध तस्करी, चोरी र अन्य अवैध कारोबारहरू नगदमा आधारित हुने भएकाले सजिलै लुक्न सक्छन्। नगदको प्रयोगले अपराधीलाई सजिलो बनाएको छ, जहाँ कुनै डिजिटल ट्रेल हुँदैन। नोट खारेजी गरी डिजिटल भुक्तानी प्रणाली लागू गरिएमा यस्ता गतिविधिहरू स्वतः घट्नेछन्।
सरकारले तत्काल ६ महानगरपालिकामा डेबिट कार्ड अनिवार्य लागू गर्दै त्यसलाई विस्तार गर्नुपर्छ। सबै व्यापारिक केन्द्रहरूमा POS मेसिन, QR कोड र डिजिटल भुक्तानीलाई अनिवार्य बनाउँदै नगदको प्रयोग न्यून गर्नुपर्छ। साथै, डिजिटल साक्षरता अभियान चलाएर जनतालाई यसमा अभ्यस्त बनाउनुपर्छ। नगदलाई क्रमशः हटाउँदै पारदर्शी र सुरक्षित समाज निर्माण गर्न वर्तमान सरकारले ठोस कदम चाल्नुपर्छ।
पुरा समाचार पढ्नुहोस: Ratopati
