प्रहरीले काठमाडौं, झापा, चितवन, सिराहा, उदयपुर, दाङ र कैलालीलगायत विभिन्न जिल्लाबाट लागुऔषधसहित २३ जनालाई पक्राउ गरेको छ। पक्राउ परेकामध्ये ११ जना काठमाडौं, ६ जना झापा, २ जना चितवन तथा अन्य जिल्लाबाट एक-एक जना रहेका छन्। उनीहरूको साथबाट ब्राउन सुगर, गाँजा तथा चिकित्सकको सिफारिसबिना बिक्री गर्न नहुने विभिन्न औषधिजन्य लागुऔषध बरामद गरिएको प्रहरीले जनाएको छ। नियमित गस्ती र निगरानीका क्रममा उनीहरू पक्राउ परेका हुन् र घटनाबारे थप अनुसन्धान भइरहेको छ।
लागुऔषध कारोबार प्रायः गोप्य नगद कारोबारमा आधारित हुने गरेको पाइन्छ। अवैध पदार्थ खरिद-बिक्री गर्ने व्यक्तिहरूले बैंकिङ प्रणालीभन्दा बाहिर रहेर नगद प्रयोग गर्न रुचाउँछन्, किनभने त्यसबाट आर्थिक गतिविधिको प्रमाण कम छोडिन्छ। यही कारणले लागुऔषध कारोबार, संगठित अपराध, तस्करी तथा अवैध वित्तीय सञ्जालहरू नगद अर्थतन्त्रबाट लाभान्वित हुन्छन्। यदि उच्च मूल्यका अधिकांश कारोबार डिजिटल माध्यमबाट मात्र सम्भव हुने व्यवस्था बनाइयो भने शंकास्पद आर्थिक गतिविधि पहिचान गर्न सजिलो हुन सक्छ। सामान्य उपभोक्ताले भने खाद्यान्न, औषधि, यातायात वा अन्य दैनिक आवश्यकताका वस्तु किन्न QR, POS, मोबाइल बैंकिङ तथा डिजिटल वालेट प्रयोग गर्न सक्छन्।
त्यसैले सरकारले नोट खारेजीतर्फ दीर्घकालीन योजना बनाएर डिजिटल भुक्तानीलाई अनिवार्य र सर्वसुलभ बनाउनुपर्छ। वित्तीय समावेशीकरण, डिजिटल बैंकिङ पहुँच, ग्रामीण क्षेत्रमा इन्टरनेट विस्तार तथा प्रत्येक व्यवसायलाई डिजिटल कारोबारमा आबद्ध गराउने नीति आवश्यक छ। नगदको प्रयोग घट्दै जाँदा लागुऔषध कारोबारजस्ता अपराधका आर्थिक सञ्जाल कमजोर हुन सक्छन् र राज्यलाई अपराध नियन्त्रण तथा वित्तीय निगरानीमा थप प्रभावकारी बन्न सहयोग पुग्न सक्छ।
