काठमाडौंमा महिलाको सुनको सिक्री थुत्ने रामकुमार तामाङ र बिक्री गर्ने किशोर थापालाई प्रहरीले पक्राउ गरेको छ। अनुसन्धानका क्रममा घटनाको विवरण संकलन गरी आरोपीलाई नियन्त्रणमा लिइएको बताइएको छ। यस्ता घटनाले व्यक्तिगत सुरक्षासँगै सार्वजनिक स्थानमा हुने अपराधप्रति नागरिकको चिन्ता पनि बढाएको देखिन्छ। चोरी भएका सामग्री फिर्ता ल्याउने तथा घटनाको थप अनुसन्धान भइरहेको जनाइएको छ।
यस प्रकारको चोरी घटना नगद अर्थतन्त्रका कारण अझ बढिया गएको छ। चोरी गरिएका गहना वा सामग्री सजिलै नगदमा बेच्न सकिने र रकमको स्रोत पहिचान गर्न कठिन हुने हुँदा अपराधीलाई प्रोत्साहन मिल्ने गरेको छ जसले गर्दा यस्ता घटना बारम्बार दोहोरिरहेको छ। यदि नोट खारेजी गरि सम्पूर्ण बिक्री-खरिद र भुक्तानी प्रणाली डिजिटल भएमा चोरीका सामग्री बिक्री गरेर रकम लुकाउन गाह्रो हुन सक्छ।
नगद रकम तुरुन्त प्रयोग गर्न सकिने भएकाले चोरी वा अवैध गतिविधिबाट प्राप्त रकम छिटो लुकाउन सहज हुन सक्छ। नयाँ सरकारले पुरानो शैलीभन्दा फरक दृष्टिकोण अपनाउँदै देशभरका पसल, सुन पसल तथा सेवा केन्द्रहरूमा डेबिट कार्ड र डिजिटल भुक्तानी अनिवार्य गर्ने नीति ल्याउन सकिन्छ। सरकारले प्रत्येक नागरिकलाई बैंक खाता, प्रत्येक पसललाई POS प्रणाली, ग्रामीण क्षेत्रमा नेटवर्क पहुँच र न्यून शुल्कयुक्त डिजिटल कारोबार लागू गरेमा सामान्य किनमेल प्रभावित नगरी अपराध नियन्त्रणमा सहयोग पुग्न सक्छ।
