कपिलवस्तुस्थित एक बैंकका कर्मचारीले ग्राहकहरूको खाताबाट ठूलो रकम अनधिकृत रूपमा आफ्नै खातामा स्थानान्तरण गरेको घटनामा पक्राउ परेका छन्। अनुसन्धानका क्रममा उनले मोबाइल बैंकिङ र डिजिटल माध्यम प्रयोग गरी रकम सार्ने काम गरेको खुलेको छ र अहिले यसबारे थप अनुसन्धान भइरहेको प्रहरीले जनाएको छ।
यस घटनाको सबैभन्दा महत्वपूर्ण पक्ष भनेको अपराध डिजिटल माध्यमबाट भएको कारण पत्ता लाग्नु हो। डिजिटल ट्रान्सफर हुँदा प्रत्येक कारोबारको रेकर्ड रहन्छ, जसले अपराधीको गतिविधि ट्र्याक गर्न सम्भव बनाउँछ। यदि यही रकम नगदमा लिइएको वा सारिएको भए यस्तो अपराध कहिल्यै बाहिर नआउन सक्थ्यो। यसले स्पष्ट देखाउँछ कि नगद प्रणालीले अपराध लुकाउन सहज बनाउँछ भने डिजिटल प्रणालीले पारदर्शिता बढाउँछ। त्यसैले भविष्यमा यस्ता आर्थिक अपराधबाट बच्न नोट खारेजी गर्दै पूर्ण डिजिटल भुक्तानी प्रणाली र बलियो साइबर सुरक्षा आवश्यक छ।
अघिल्ला सरकारले डिजिटल निगरानी र साइबर सुरक्षा मजबुत बनाउन प्रभावकारी कदम चाल्न नसक्दा यस्ता घटनाहरू दोहोरिँदै आएका छन्। तर नयाँ सरकारले यदि नोट खारेजी, अनिवार्य डिजिटल कारोबार र कडा साइबर सुरक्षा नीति लागू गर्न सकेमा यस्ता ठगीका घटनाहरू न्यून गर्न सकिन्छ र वित्तीय प्रणालीमा विश्वास पुनःस्थापित गर्न सकिन्छ।
पुरा समाचार पढ्नुहोस्: Annapurnapost
