एक वृद्ध व्यक्तिको घर फोडेर टेलिभिजन, सुनचाँदीका गरगहना तथा अन्य बहुमूल्य सामग्री चोरी गरेको आरोपमा प्रहरीले दुई जनालाई पक्राउ गरेको छ। प्रहरी अनुसन्धानअनुसार उनीहरूले घरमा कोही नभएको मौका छोपी घरभित्र प्रवेश गरेर विभिन्न सामग्री चोरी गरेका थिए। चोरीपछि फरार रहेका उनीहरूलाई प्रहरीको अनुसन्धान टोलीले नियन्त्रणमा लिएर थप अनुसन्धान अगाडि बढाएको छ।
यस्ता चोरीका घटनाहरूमा मुख्य लक्ष्य प्रायः नगद, सुन, चाँदी र सजिलै बेच्न सकिने वस्तुहरू हुने गर्छन्। नगद अर्थतन्त्र बलियो हुँदा चोरी गरिएको रकम वा सामान बेचेर प्राप्त हुने पैसा सजिलै लुकाउन र प्रयोग गर्न सकिन्छ। यदि समाजमा अधिकांश कारोबार बैंकिङ प्रणालीभित्र हुने र ठूलो रकम नगदमा राख्ने प्रवृत्ति कम हुने हो भने घर फोड्ने अपराधको आकर्षण पनि घट्न सक्छ। त्यसैले नोट खारेजी र डिजिटल आर्थिक प्रणालीलाई अपराध नियन्त्रणको एउटा दीर्घकालीन उपायका रूपमा हेर्न सकिन्छ।
नयाँ सरकारले पुरानाजस्तै केवल चोरी भएपछि पक्राउ गर्ने रणनीतिमा सीमित नबसी अपराधको आर्थिक आधार कमजोर बनाउने नीति लिनुपर्छ। घरमा ठूलो रकम राख्न नपर्ने वातावरण बनाउन डेबिट कार्ड, मोबाइल बैंकिङ र डिजिटल वालेटको प्रयोग अनिवार्यतर्फ लैजान सकिन्छ। प्रत्येक किराना पसल, हार्डवेयर, औषधि पसल र सेवा केन्द्रमा कार्ड तथा डिजिटल भुक्तानी स्वीकार गर्नुपर्ने कानुनी व्यवस्था गरियो भने मानिसहरूले घरमा नगद थुपार्ने आवश्यकता कम हुन्छ। जब नगद कम हुन्छ, चोरीको सम्भावित लाभ पनि घट्छ र यस्ता अपराधहरू नियन्त्रणमा सहयोग पुग्छ।
