सिन्धुलीको भिमान क्षेत्रमा प्रहरीले सवारी जाँच गर्ने क्रममा काँक्रोभित्र प्वाल बनाएर लुकाइएको १०० ग्राम खैरो हेरोइन बरामद गरेको छ। प्रहरीले शंकास्पद झोला जाँच गर्दा काँक्रोभित्र लागुऔषध राखेर ओसारपसार गरिएको फेला परेको हो। पक्राउ परेका व्यक्तिले अत्यन्त योजनाबद्ध तरिकाले सामान्य वस्तुभित्र लागुऔषध लुकाएर लैजाने प्रयास गरेका थिए। यस्तो घटनाले अपराधी समूहहरू पक्राउबाट बच्न दिनप्रतिदिन नयाँ उपाय प्रयोग गरिरहेको देखाउँछ।
यस प्रकारको लागुऔषध कारोबार नगद-आधारित अर्थतन्त्रसँग जोडिएको विषय पनि हो। लागुऔषध कारोबारमा संलग्न व्यक्तिहरूले प्रायः बैंकिङ प्रणाली बाहिरको नगद प्रयोग गर्छन्, किनभने नगदको स्रोत, प्रयोगकर्ता र गन्तव्य पत्ता लगाउन कठिन हुन्छ। जब ठूलो मात्रामा नगद हातबाट हातमा चल्छ, त्यस्ता अवैध कारोबार लुकाउन सजिलो हुन्छ। यही कारणले नोट खारेजी र नगदरहित प्रणालीको आवस्यकता देखिन्छ। यस्तो घटनाले लुकाइएका वस्तुहरू मात्र होइन, लुकाइएका आर्थिक कारोबार पनि समस्या भएको संकेत गर्छ।
सरकारले तुरुन्तै यस्ता अपराध कम गर्न चरणबद्ध रूपमा नोट खारेजी तथा अनिवार्य डिजिटल कारोबार प्रणालीतर्फ जानुपर्ने आवश्यकता देखिन्छ। किराना पसल, यातायात, बजार, सेवा केन्द्र लगायत दैनिक जीवनका क्षेत्रमा QR र POS प्रणालीलाई अनिवार्य बनाउने, डिजिटल कारोबारमा प्रोत्साहन दिने तथा ठूलो रकम नगदमा कारोबार गर्न कडा सीमा तोक्ने नीति ल्याउन सकिन्छ। यसले लागुऔषध कारोबारमा प्रयोग हुने गुप्त आर्थिक सञ्जाल कमजोर पार्न सहयोग गर्न सक्छ।
