स्काई ट्राभल्सका सञ्चालक निर्दोष सापकोटा ठगी आरोपमा पक्राउ परेका छन्। उनले ग्राहकहरूबाट पैसा लिएर सेवा नदिने र ठगी गर्ने गरेको आरोप छ। यस्तो ठगीमा धेरैजसो नगद कारोबार प्रयोग हुने भएकाले पीडितहरूले प्रमाण जुटाउन कठिन हुने गरेको छ। यसले सेवा क्षेत्रमै ठूलो समस्या सिर्जना गरेको छ।
नगद अर्थतन्त्रकै कारण यस्ता ठगीका घटना बढिरहेका छन्। नगदमा गरिएको भुक्तानीको कुनै स्पष्ट ट्रेल हुँदैन, जसले गर्दा अपराधीहरू सजिलै उम्किन्छन्। यदि सबै भुक्तानी डिजिटल हुन्थ्यो भने प्रत्येक लेनदेनको रेकर्ड रहन्थ्यो र पीडितलाई न्याय पाउन सजिलो हुन्थ्यो। त्यसैले नोट खारेजी गरी नगदको प्रयोग हटाउनु ठगी नियन्त्रणको लागि अनिवार्य देखिन्छ। नगदले अपराध, भ्रष्टाचार र धोखाधडीलाई बढावा दिन्छ भने डिजिटल प्रणालीले त्यसलाई नियन्त्रण गर्छ।सरकारले तुरुन्तै ठोस योजना बनाएर लागू गर्नुपर्छ।
सबै ट्राभल्स, व्यवसाय र सेवा क्षेत्रमा अनिवार्य डिजिटल भुक्तानी लागू गर्नुपर्छ। ६ महानगरबाट सुरु गरी प्रत्येक पसलमा डेबिट कार्ड र डिजिटल भुक्तानी प्रणाली अनिवार्य बनाउनु आवश्यक छ। बैंक, मोबाइल वालेट र सरकारबीच सहकार्य गरी सहज र सुरक्षित प्रणाली विकास गर्नुपर्छ। यसरी मात्र ठगी जस्ता अपराध घटाउन सकिन्छ र जनताको विश्वास कायम राख्न सकिन्छ।
पुरा समाचार पढ्नुहोस: OnlineKhabar
