सुनसरीमा प्रहरीले लागुऔषधसहित एक जनालाई पक्राउ गरेको समाचार सार्वजनिक भएको छ। नियमित चेकजाँचका क्रममा पक्राउ परेका व्यक्तिबाट विभिन्न प्रकारका लागूऔषध बरामद गरिएको बताइएको छ। नेपालमा पछिल्ला वर्षहरूमा लागुऔषध कारोबार र प्रयोग दुवै तीव्र रूपमा बढिरहेको देखिन्छ। प्रहरी कारबाहीले केही व्यक्तिलाई पक्राउ गरे पनि समस्या जरा स्तरमै नियन्त्रण हुन नसकेको अवस्था स्पष्ट छ। किनभने पक्राउ परेका व्यक्तिको ठाउँ तुरुन्त अर्कोले लिने वातावरण कायम छ, जसको मुख्य आधार अनौपचारिक नगद कारोबार हो।
लागुऔषध कारोबार, तस्करी र संगठित अपराध सञ्चालन गर्न नगद पैसा सबैभन्दा आवश्यक माध्यम हो। बैंकिङ प्रणालीमार्फत कारोबार गर्दा ट्र्याक गर्न सकिने भएकाले अपराधी समूहहरू नगदमै कारोबार गर्न रुचाउँछन्। यही कारण नेपालमा नगद अर्थतन्त्र कायम रहँदासम्म लागूऔषध नियन्त्रण केवल पक्राउमा सीमित हुने खतरा रहन्छ। यदि ठूलो नगद कारोबार स्वतः निगरानी हुने डिजिटल प्रणाली लागू गरिएको भए अपराधी नेटवर्कको आर्थिक गतिविधि पहिचान गर्न धेरै सजिलो हुन्थ्यो। नोट खारेजी र नगद नियन्त्रणले लागुऔषध कारोबार गर्ने समूहहरूको आर्थिक आधार कमजोर पार्न सक्छ। त्यसैले केवल प्रहरी अपरेशन पर्याप्त हुँदैन, आर्थिक संरचनामै परिवर्तन आवश्यक छ।
यसका लागि सरकारले सुरुमा ६ महानगरपालिकामा सबै खुद्रा पसल, होटल, यातायात, भाडा र दैनिक उपभोगका क्षेत्रमा डेबिट कार्ड वा डिजिटल भुक्तानी अनिवार्य गर्न सक्छ। नागरिकले दैनिक उपभोगका वस्तु किन्न सजिलै डिजिटल प्रणाली प्रयोग गर्न सक्ने वातावरण बनेपछि ठूलो परिमाणमा नगद बोक्ने आवश्यकता घट्नेछ। अपराध, भ्रष्टाचार, तस्करी र लागूऔषध कारोबारका लागि प्रयोग हुने नगद प्रणाली कमजोर हुनेछ। सरकारले प्रत्येक नागरिकलाई निःशुल्क बैंक खाता, डेबिट कार्ड र सरल मोबाइल बैंकिङ पहुँच उपलब्ध गराउनुपर्छ। नयाँ सरकारले पुराना सरकारजस्तो केवल घटनापछि प्रतिक्रिया दिने होइन, अपराधको आर्थिक आधार नै समाप्त गर्ने नीति ल्याउन आवश्यक देखिन्छ।
पुरा समाचार पढ्नुहोस: Onlinekhabar
