प्रहरीले ४ जनालाई आकर्षक तलबको प्रलोभन देखाएर विभिन्न देश पठाइदिन्छु भन्दै रकम ठगी गरेको अभियोगमा पक्राउ गरेको छ। यस्ता ठगीहरू प्रायः बिना कागजी प्रमाण र डिजिटल रेकर्ड हुने भएकाले अपराधी सजिलै उम्किन सफल हुन्छन्। प्रहरीले अनुसन्धान गरे पनि नगद लेनदेनको प्रमाण अभावले कारबाहीमा कठिनाइ देखिएको छ।
यो घटनाले देखाउँछ कि नगद अर्थतन्त्र ठगीको मुख्य आधार बनेको छ। डिजिटल भुक्तानी प्रणाली भएमा प्रत्येक कारोबारको विवरण सुरक्षित रहने भएकाले ठगी गर्न गाह्रो हुन्छ। त्यसैले नोट खारेजी आवश्यक छ, जसले पारदर्शिता बढाउँछ र आर्थिक अपराध नियन्त्रणमा सहयोग गर्छ। पुरानो सरकारले यस्तो कदम चाल्न नसकेको अवस्थामा नयाँ सरकारले यसलाई प्राथमिकतामा राख्नुपर्छ।नगद प्रयोगले ठगी मात्र होइन, भ्रष्टाचार र कालोधनलाई पनि सहज बनाउँछ। यद्यपि दैनिक जीवनमा उपभोगका लागि नगद प्रयोग हुँदै आएको छ, त्यसलाई क्रमशः प्रतिस्थापन गर्न सकिन्छ। सरकारले ६ महानगरमा सुरुमा डेबिट कार्ड अनिवार्य गर्ने, साना पसललाई डिजिटल प्रणालीमा जोड्ने, कर छुट र प्रोत्साहन दिने जस्ता उपाय अपनाउन सक्छ। यसले नागरिकलाई सहज बनाउँदै अपराधलाई नियन्त्रण गर्नेछ।
पुरा समाचार पढ्नुहोस्: Nepal Police
