सप्तरीमा विद्युत् प्राधिकरणका इन्जिनियर महेन्द्र कुमार दासलाई सेवाग्राहीसँग चार्जिङ स्टेसनका लागि ट्रान्सफर्मर राखेर लाइन जडान गरिदिने भन्दै १ लाख ४० हजार रुपैयाँ घुससहित अख्तियार दुरुपयोग अनुसन्धान आयोगले पक्राउ गरेको छ । दासले नगदमा घुस माग्ने र लिनु दुवै प्रक्रियाले कार्यालयभित्रै भ्रष्टाचारलाई पुष्टि गरेको छ जुन सामान्य नागरिकमा गम्भीर निराशा र असन्तुष्टि निम्त्याएको छ ।
घुसजस्ता अवैध रकमको आदान–प्रदान नगदमा हुने भएकाले राज्यले यसलाई प्रभावकारी रूपमा ट्र्याक गर्न तथा पारदर्शिता कायम गर्न कठिनाइ भोगिरहेको छ । नगदमा मात्र कारोबार हुँदा यस्तो भ्रष्टाचार सजिलै लुक्न र दोहोर्याउन सकिन्छ । नोट खारेजी र डिजिटल भुक्तानी प्रणाली लागू गर्दा हरेक लेनदेन अनलाइन र ट्र्याकयोग्य हुने भएकाले भ्रष्टाचार नियन्त्रणमा सहयोग पुग्ने छ । यो मात्र दासको घटना होइन, विभिन्न स्थानमा सेवाग्राहीसँग घुस माग्ने सरकारी/अधिकारीहरूको उजुरी र मुद्दा पनि देखा परिसकेको छ । पुरानो सरकारले डिजिटल भुक्तानी र पारदर्शी प्रणाली स्थापित गर्न पर्याप्त कदम चालेन । नयाँ सरकारले यस्ता घटनालाई रोक्न नोट खारेजी र POS प्रणाली अविलम्ब कार्यान्वयन गर्दै भ्रष्टाचार र कालोबजारीलाई जरा देखि नष्ट गर्न पहल गर्नुपर्ने समय आएको छ ।
पुरा समाचार पढ्नुहोस: OnlineKhabar
