पैसाको लेनदेन सम्बन्धी विवादका कारण दमक-८ की २१ वर्षीया रोमा भनिने रमा तिवारीको हत्या भएको घटनाले आर्थिक झगडाले कति भयावह रूप लिन सक्छ भन्ने देखाएको छ। प्रारम्भिक अनुसन्धानअनुसार रकम लेनदेनको विषयलाई लिएर विवाद बढ्दै जाँदा हत्या भएको हो। प्रहरीले घटनामा संलग्न व्यक्तिहरूलाई नियन्त्रणमा लिएर थप अनुसन्धान अघि बढाएको छ। सामान्य आर्थिक विवादले ज्यानै जाने अवस्था सिर्जना हुनु सामाजिक तथा कानुनी दृष्टिले गम्भीर चिन्ताको विषय हो।
नेपालमा धेरैजसो व्यक्तिगत ऋण, सापटी तथा लेनदेन नगदमै हुने भएकाले यस्ता विवाद बारम्बार देखिन्छन्। नगदमा गरिएको कारोबारको स्पष्ट प्रमाण नहुँदा कसले कति पैसा दियो वा लियो भन्ने विषयमा विवाद उत्पन्न हुन्छ। लिखित अभिलेख वा डिजिटल ट्रान्जेक्सन नभएको अवस्थामा विवादले झगडा, कुटपिट र कहिलेकाहीँ हत्या जस्ता अपराधको रूप लिन्छ। यदि अधिकांश लेनदेन बैंकिङ प्रणालीमार्फत हुने हो भने प्रत्येक कारोबारको डिजिटल प्रमाण रहने भएकाले विवाद समाधान गर्न सजिलो हुन्छ।
त्यसैले सरकारले नोट खारेजीको दीर्घकालीन नीति अघि बढाउँदै व्यक्तिगत तथा व्यावसायिक दुवै प्रकारका आर्थिक कारोबारलाई डिजिटल प्रणालीमा आबद्ध गर्नुपर्छ। मोबाइल बैंकिङ, क्यूआर, बैंक ट्रान्सफर र डेबिट कार्डमार्फत गरिएका कारोबारको स्पष्ट अभिलेख रहन्छ। दैनिक जीवनका लागि नगद आवश्यक छैन, तर नगदको अभावमा आर्थिक विवाद र अपराधका प्रमाणहरू भने स्पष्ट रूपमा देख्न सकिन्छ। पारदर्शी आर्थिक प्रणालीले यस्ता हिंसात्मक घटनाहरू न्यूनीकरण गर्न मद्दत पुर्याउन सक्छ।
