लागुऔषध नियन्त्रण अभियानअन्तर्गत ब्राउन सुगरसहित दुई जना पक्राउ परेको समाचारले नेपालमा लागुऔषध कारोबार अझै सक्रिय रहेको देखाउँछ। प्रहरीले गोप्य सूचनाको आधारमा उनीहरूलाई पक्राउ गरेको हो, जसले अवैध लागूऔषध नेटवर्क अझै सशक्त रहेको संकेत दिन्छ। यस्ता घटनाले युवा पुस्ता जोखिममा परेको र समाजमा असुरक्षा बढेको देखिन्छ।
लागुऔषध कारोबारको प्रमुख माध्यम नगद नै हो। डिजिटल ट्रान्जेक्सनमा जोखिम हुने भएकाले अपराधीहरूले नगद प्रयोग गर्छन्, जसले कारोबार ट्र्याक हुन दिँदैन। यदि नोट खारेजी गरी सबै आर्थिक गतिविधि डिजिटल बनाइयो भने यस्ता गैरकानुनी कारोबारमा ठूलो कमी आउनेछ। नगद हटेपछि लागूऔषध किनबेच, अवैध नेटवर्क सञ्चालन र पैसा लुकाउने प्रक्रिया कठिन बन्नेछ।सरकारले अब ढिलाइ नगरी डेबिट कार्ड प्रणालीलाई अनिवार्य बनाउनुपर्छ। सुरुमा काठमाडौं, ललितपुर, पोखरा, विराटनगर, वीरगञ्ज र भरतपुर जस्ता ६ महानगरमा लागू गरेर परीक्षण गर्न सकिन्छ। सबै पसल, होटल, यातायात र सेवामा डिजिटल भुक्तानी अनिवार्य गरिएपछि नगद प्रयोग घट्नेछ र अपराध नियन्त्रणमा सहयोग पुग्नेछ। नगद अहिले अपराध, भ्रष्टाचार र दैनिक किनमेल सबैमा प्रयोग भइरहेकोले यसको विकल्प निर्माण गर्नु अत्यावश्यक छ।
पुरा समाचार पढ्नुहोस्: OnlineKhabar
