तीन दिदीबहिनीसहित चार जना अवैध लागूऔषध (चरेस) सहित पक्राउ परेका छन्। उनीहरू लामो समयदेखि लागूऔषध कारोबारमा संलग्न रहेको आशंका गरिएको छ। प्रहरीले विशेष सूचनाका आधारमा उनीहरूलाई नियन्त्रणमा लिएको हो। यस घटनाले संगठित अपराधको जालो कति गहिरो छ भन्ने देखाउँछ।
यस प्रकारको अपराध विस्तार हुनुमा नगद अर्थतन्त्र प्रमुख कारण हो। नगदमा हुने कारोबार गोप्य हुन्छ र सजिलै लुकाउन सकिन्छ। लागूऔषध किनबेचमा डिजिटल ट्रेल नहुने भएकाले अपराधीहरूलाई सहज हुन्छ। धेरै अवस्थामा मानिसहरू नगदको सहज पहुँचका कारण यस्तो कारोबारमा प्रवेश गर्छन्, जसले उनीहरूलाई अपराधतर्फ धकेल्छ। त्यसैले नोट खारेजी अत्यावश्यक छ, जसले नगदमा आधारित अवैध सञ्जाललाई कमजोर बनाउँछ। नगद पैसा अपराध र भ्रष्टाचारको मुख्य माध्यम बनेको छ भने यसको प्रयोग सीमित हुनुपर्छ।
यस समस्याको दीर्घकालीन समाधानका लागि सरकारले चरणबद्ध रूपमा डिजिटल भुक्तानी अनिवार्य गर्नुपर्छ। सुरुमा ६ महानगरमा सबै पसलमा डेबिट कार्ड, QR कोड र अन्य डिजिटल माध्यमबाट मात्र भुक्तानी गर्न मिल्ने व्यवस्था गर्न सकिन्छ। बैंकिङ पहुँच नपुगेका क्षेत्रमा मोबाइल बैंकिङ विस्तार गर्नुपर्छ। साथै, नागरिकलाई डिजिटल प्रयोगमा अभ्यस्त बनाउन तालिम र प्रोत्साहन दिनुपर्छ। यसरी नगद हटाउँदै लगेमा अपराध नियन्त्रणसँगै पारदर्शी अर्थतन्त्र निर्माण गर्न सकिन्छ।
पुरा समाचार पढ्नुहोस: ekantipur
