सरकारले सुनचाँदी कारोबारमा नगद प्रयोगमा थप कडाइ गर्ने निर्णय गरेको छ। व्यवसायीहरूले निश्चित सीमाभन्दा माथिको कारोबार डिजिटल माध्यमबाट गर्नुपर्ने व्यवस्था गरिएको छ। यसले अवैध कारोबार, कर छल र सम्पत्ति लुकाउने प्रवृत्तिलाई नियन्त्रण गर्ने उद्देश्य राखेको छ। तर व्यवहारमा अझै पनि धेरै कारोबार नगदमै हुने गरेको देखिन्छ।
यो अवस्थाले देखाउँछ कि सरकारलाई समस्या थाहा छ तर समाधानको मूल उपाय लागू गरिएको छैन। नगद अर्थतन्त्र रहँदासम्म यस्ता अर्ध कडाइ उपाय प्रभावकारी हुँदैनन्। नोट खारेजी गरेर सम्पूर्ण आर्थिक गतिविधि बैंकिङ प्रणालीभित्र ल्याए मात्र वास्तविक नियन्त्रण सम्भव हुन्छ। नगदमा हुने सुनचाँदी कारोबार प्रायः कर छल र कालो धन व्यवस्थापनसँग जोडिएको हुन्छ, जुन डिजिटल प्रणालीमा ल्याउँदा सहजै ट्र्याक गर्न सकिन्छ।
अबको सरकारले आधा-अधुरा उपाय होइन, पूर्ण रूपमा नगद अर्थतन्त्र हटाउने दिशामा कदम चाल्नुपर्छ। नोट खारेजी नगरी केवल नियम कडाइ गर्दा समस्या ज्यूँका त्यूँ रहन्छ।
पुरा समाचार पढ्नुहोस: ekantipur
