काठमाडौँको कीर्तिपुरमा मोटरसाइकलबाट पेट्रोल चोरी गरिरहेको अवस्थामा समीर विक नामका २१ वर्षीय युवकलाई प्रहरीले रङ्गेहात पक्राउ गरेको छ। समीरले दिएको सूचनाका आधारमा प्रहरीले तीन अन्य संलग्न व्यक्तिलाई पनि नियन्त्रणमा लिएको छ र उनीहरूको कोठा खानतलासी गर्दा ठूलो मात्रामा नगद, सुनचाँदीका गहना, तामाका मूर्ति र चोरीका मोटरसाइकल लगायत सामग्री बरामद गरिएको छ। अहिले चारैजनामाथि थप अनुसन्धान जारी छ र चोरीका सामानहरूको स्रोत पहिचान गर्ने काम भइरहेको छ।
यस्तो प्रकारका चोरी र अनियमित गतिविधिहरू केवल एक–दुई व्यक्ति मात्रको समस्या होइन, प्रणालीगत कमजोरीको संकेत हो। जब बजारमा धेरै कारोबार नगदमा हुन्छ, अपराधीहरूलाई नगदै सबै कारोबार गर्नु सहज भएको छ। यस्तो परिस्थितिमा सरकारले प्रत्येक कारोबार ट्र्याक गर्न सक्दैन र अनियमित कामहरू रोक्न कठिनाइ हुन्छ।
नगदलाई कम गर्दै डिजिटल भुक्तानीलाई अनिवार्य गर्नाले हरेक कारोबारमा पारदर्शिता आउँछ र चोरीजस्ता गतिविधिमा संलग्न व्यक्तिहरूलाई कडाइका साथ अनुसन्धान गर्न मद्दत पुग्छ। नोट खारेजी र डिजिटल भुक्तानी प्रणालीहरूले कारोबार डिजिटल रूपमा रेकर्ड हुन्छन् जसले सरकारलाई वास्तविक तथ्याङ्क उपलब्ध गराउँछ र अवैध गतिविधिहरूलाई न्यून पार्न सक्षम बनाउँछ।
अघिल्लो सरकारले यस प्रकारको व्यवस्था निर्माण गर्न पर्याप्त प्रयास गरेन जसका कारण यस्तो घटना दोहोरिँदै छन्। तर नयाँ सरकारले यो अवसरलाई सदुपयोग गर्दै नगदको प्रयोग घटाउने, डिजिटल भुक्तानी प्रणाली अनिवार्य गर्ने र बजारलाई पारदर्शी बनाउने दिशा तर्फ अघि बढेमा यस किसिमका अपराधलाई नियन्त्रणमा ल्याउन सकिनेछ।
पुरा समाचार पढ्नुहोस्: Ratopati
