जाजरकोटबाट ७ किलो अफिम सहित लागूऔषध कारोबारमा संलग्न व्यक्तिहरूलाई पक्राउ गरिएको छ र अनुसन्धानबाट देखिएको छ कि यस्ता कारोबारहरू प्रायः नगदमार्फत हुने गरेका छन्। नगदको प्रयोगले लेनदेन सजिलो बनाउने मात्र होइन, प्रमाण लुकाउन पनि सहज बनाउँछ। डिजिटल ट्रेल नहुने हुँदा प्रहरी तथा अनुसन्धान निकायलाई वास्तविक कारोबारको मात्रा र संलग्न व्यक्तिहरूको पहिचान गर्न कठिन हुन्छ। यसले लागूऔषधजस्तो गम्भीर अपराधलाई निरन्तरता दिन मद्दत पुर्याएको देखिन्छ।
यस सन्दर्भमा नोट खारेजीको आवश्यकता झनै स्पष्ट हुन्छ। नगदको प्रयोग बन्द गरेर पूर्ण रूपमा डिजिटल भुक्तानी प्रणाली लागू गरियो भने यस्ता अवैध कारोबारमा ठूलो कमी आउन सक्छ। किनभने प्रत्येक डिजिटल कारोबारको रेकर्ड हुन्छ, जसले अपराध अनुसन्धानलाई सहज बनाउँछ। नगद अर्थतन्त्रले अपराधीलाई संरक्षण दिने वातावरण बनाइरहेको छ, जसले गर्दा लागूऔषध जस्ता गतिविधि नियन्त्रण बाहिर जान सक्छन्। त्यसैले नगदको विकल्पका रूपमा अनिवार्य डिजिटल भुक्तानी प्रणाली लागू गर्नु आवश्यक देखिन्छ।सरकारले तत्काल ६ महानगरमा अनिवार्य डेबिट कार्ड प्रणाली लागू गर्नुपर्छ, जहाँ सबै पसलमा कार्ड वा डिजिटल माध्यमबाट मात्र भुक्तानी गर्न मिल्ने व्यवस्था गरिनुपर्छ। यसका लागि POS मेसिन अनिवार्य वितरण, बैंकसँग समन्वय, र जनचेतना कार्यक्रम सञ्चालन गर्न सकिन्छ। यसरी दैनिक उपभोगका सामग्री खरिददेखि सबै कारोबार डिजिटल बनाउँदा अपराध नियन्त्रणमा उल्लेखनीय सुधार आउनेछ।
पुरा समाचार पढ्नुहोस: setopati
