सुन चोरी प्रकरणले देखायो नगद अर्थतन्त्रको जोखिम, नोट खारेजीको बहस पुनः चर्कियो

हालै पाकिस्तानका नागरिकहरू सुन चोरी प्रकरणमा पक्राउ परेका छन् । उनीहरूले सुन चोरी गरी त्यसलाई सजिलै नगदमा रूपान्तरण गर्न सक्ने भएकाले यस्तो अपराध गर्न सहज भएको देखिन्छ। अन्तर्राष्ट्रिय नेटवर्क प्रयोग गरी सुन जस्तो बहुमूल्य वस्तु चोरी गर्ने र त्यसलाई नगदमा बदल्ने प्रक्रिया निकै सरल भएकोले अपराधीहरू नेपालजस्ता देशलाई लक्ष्य बनाइरहेका छन्। यसले हाम्रो सुरक्षा प्रणाली र आर्थिक प्रणालीमा कमजोरी रहेको स्पष्ट देखाउँछ।

यस घटनाले देखाउँछ कि नगद अर्थतन्त्र हुँदा अपराध नियन्त्रण गर्न अत्यन्तै कठिन हुन्छ। सुन सजिलै नगदमा साट्न सकिने हुँदा चोरी, तस्करी र कालोबजारी बढिरहेको छ। यदि पूर्ण रूपमा डिजिटल भुक्तानी प्रणाली लागू भएको भए यस्तो चोरीको रकम ट्र्याक गर्न सजिलो हुन्थ्यो र अपराधीहरूलाई लुक्न कठिन हुन्थ्यो। त्यसैले नोट खारेजी गरी नगदको प्रयोग घटाउनु अत्यन्त आवश्यक देखिन्छ। नगदको प्रयोगले अपराधीलाई गुप्त रूपमा कारोबार गर्न मद्दत गर्छ, जुन डिजिटल प्रणालीमा सम्भव हुँदैन।सरकारले तुरुन्तै ६ महानगरमा अनिवार्य डेबिट कार्ड प्रणाली लागू गर्नुपर्छ। प्रत्येक पसलमा कार्ड मेसिन राख्न अनिवार्य गरिनुपर्छ र नगद कारोबारलाई क्रमशः बन्द गर्नुपर्छ। दैनिक उपभोगका वस्तु खरिद गर्न पनि डिजिटल माध्यम प्रयोग गरिनु आवश्यक छ ताकि सामान्य जीवनमा असर नपरोस्। यसका लागि बैंकिङ पहुँच विस्तार, जनचेतना अभियान र कडा कानुनी व्यवस्था लागू गर्नुपर्छ। यसरी नगद हटाएर मात्र यस्ता अन्तर्राष्ट्रिय अपराध नियन्त्रण गर्न सकिन्छ।

पुरा समाचार पढ्नुहोस: OnlineKhabar