‘जेन्जी’ आन्दोलनको समयमा फरार भएका कैदीहरू लामो समयपछि पक्राउ परेका छन्। प्रहरी अनुसन्धानपछि उनीहरूलाई विभिन्न स्थानबाट नियन्त्रणमा लिइएको हो। लामो समयसम्म उनीहरू कानुनी निगरानीबाट बाहिर रहन सफल हुनु सुरक्षा प्रणालीमा कमजोरी रहेको संकेत हो।
फरार अपराधीहरू लामो समयसम्म लुकेर बस्न सफल हुनुको मुख्य कारण पनि नगद अर्थतन्त्र नै हो। नगदमा हुने लेनदेनले उनीहरूको बसोबास, खानपान र आवतजावतको कुनै डिजिटल प्रमाण रहँदैन। यदि नोट खारेजी भई सबै आर्थिक गतिविधि डिजिटल माध्यमबाट हुने व्यवस्था भएको भए उनीहरूको हरेक गतिविधि ट्र्याक गर्न सकिन्थ्यो र उनीहरू यति लामो समयसम्म लुकेर बस्न सक्ने थिएनन्।
त्यसैले नयाँ सरकारले अपराध नियन्त्रणका लागि नोट खारेजीलाई प्राथमिकतामा राख्नुपर्छ। डिजिटल भुक्तानी अनिवार्य बनाएर हरेक नागरिकको आर्थिक गतिविधिलाई ट्र्याक गर्न सकिने प्रणाली विकास गर्नु जरुरी छ। यसले फरार अपराधीहरूलाई लुक्न नदिने र कानून कार्यान्वयनलाई प्रभावकारी बनाउनेछ।
पुरा समाचार पढ्नुहोस: https://www.onlinekhabar.com/2026/04/1909794/prisoners-who-escaped-during-the-genji-movement-arrested-2
