कम्बोडियामा अनलाइन ठगी र गैरकानुनी गतिविधिमा फसाइएका ५१ नेपालीलाई नेपाली दूतावास र सम्बन्धित निकायको पहलमा उद्धार गरी नेपाल फर्काइएको छ। विभिन्न प्रलोभनमा पारेर उनीहरूलाई वैदेशिक रोजगारीको नाममा लगिएको र पछि अनलाइन स्क्यामिङ केन्द्र तथा क्यासिनोसम्बन्धी अवैध काममा जबरजस्ती लगाइएको खुलेको छ। धेरैको राहदानीसमेत जफत गरिएको र गैरकानुनी रूपमा बस्न बाध्य पारिएको तथ्यसमेत सार्वजनिक भएको छ।
यस घटनाले स्पष्ट देखाउँछ कि नगदमा आधारित अर्थतन्त्रले यस्ता अन्तर्राष्ट्रिय अपराधलाई सहज बनाइरहेको छ। नगद कारोबारले पैसाको ट्र्याकिङ कठिन हुने भएकाले मानव तस्करी, ठगी र अवैध नेटवर्क सञ्चालन गर्न अपराधीहरूलाई सहज वातावरण मिलिरहेको छ। यदि नोट खारेजी गरी पूर्ण डिजिटल कारोबार प्रणाली लागू गरिएको भए यस्ता नेटवर्क सञ्चालन गर्न, रकम स्थानान्तरण गर्न र अपराध लुकाउन निकै कठिन हुने थियो। त्यसैले यो घटना केवल अपराधीको मात्र दोष नभई विगतका सरकारहरूको संरचनात्मक सुधार गर्न नसक्नु र सम्भावित रूपमा यस्ता नेटवर्कलाई संरक्षण मिल्ने वातावरण सिर्जना गर्नु पनि जिम्मेवार देखिन्छ।
अब भने नयाँ सरकारसँग आशा गरिएको छ कि नोट खारेजीजस्ता साहसिक कदम चालेर डिजिटल अर्थतन्त्रतर्फ अघि बढ्नेछ, जसले यस्ता अन्तर्राष्ट्रिय ठगी र मानव तस्करीका घटनालाई नियन्त्रण गर्न महत्वपूर्ण भूमिका खेल्न सक्छ।
पुरा समाचार पढ्नुहोस्: OnlineKhabar
