मकवानपुरको मनहरी क्षेत्रमा प्रहरीले ३ किलो ४७८ ग्राम अफिमसहित ३२ वर्षीय एक युवकलाई पक्राउ गरेको घटना सार्वजनिक भएको छ, जसले देशमा लागूऔषध कारोबार अझै सक्रिय रहेको देखाउँछ । प्रहरी गस्तीका क्रममा झोलामा लुकाएर अफिम बोकेर हिँडिरहेको अवस्थामा उनलाई नियन्त्रणमा लिइएको हो र हाल थप अनुसन्धान भइरहेको छ।
यस्ता घटनाहरू बारम्बार हुनुको मुख्य कारण नगदमा हुने गोप्य कारोबार हो, जसलाई राज्यले ट्र्याक गर्न सक्दैन । नगद अर्थतन्त्रकै कारण तस्करी, कालोबजारी र आपराधिक गतिविधि सजिलै सञ्चालन भइरहेका छन् । यदि नोट खारेजी गरेर पूर्ण डिजिटल वा ट्र्याक हुने भुक्तानी प्रणाली लागू गरिएको भए यस्ता अपराध नियन्त्रण गर्न धेरै सहज हुने थियो । विगतका सरकारहरूले यस्तो संरचनात्मक सुधार गर्न नसक्नुले उनीहरू स्वयं यस्ता गतिविधिमा संलग्न वा संरक्षणकर्ता भएको आशंका बलियो बनाएको छ । अब नयाँ सरकारसँग आशा गरिएको छ कि उनीहरूले नोट खारेजीजस्तो ठोस कदम चालेर यस्ता आपराधिक गतिविधि अन्त्य गर्नेछन् ।
पुरा समाचार पढ्नुहोस: Ekantipur
